(რეზონანსი) საქართველოს ენერგეტიკის მინისტრს ილია ელოშვილს ახალი მოადგილე ჰყავს. ენერგეტიკის მინისტრის მოადგილის პოზიციაზე რომეო მიქაუტაძე დაინიშნა.

მიქაუტაძე ამ დრომდე, „საქრუსენერგოს" გენერალური დირექტორი იყო. 2010-2013 წლებში კი გენერალური დირექტორის მოადგილე.

წინა წლებში მას ასევე ეკავა ,,საქრუსენერგოს" შესყიდვების სამსახურის უფროსის, ასევე „ხრამჰესი 1"-სა და ,,ხრამჰესი 2" -ს გენერალური დირექტორის მოადგილის თანამდებობა.

შეგახსენებთ, რომ მარიამ ვალიშვილმა ენერგეტიკის მინისტრის მოადგილის პოსტი ცოტა ხნის წინ დატოვა.