(რეზონანსი) ე.წ. ციანიდის საქმის მასალების მედიაში გავრცელების ფაქტზე დაწყებული გამოძიების ფარგლებში, დაცვის მხარის გამოკითხვა გრძელდება.

დღეს თბილისის მთავარ პროკურატურაში 13:00 საათზე დეკანოზ გიორგი მამალაძის კიდევ ერთი ადვოკატი, გიორგი ფანცულაიაა დაბარებული.

შეგახსენებთ, რომ მთავარმა პროკურატურამ ე.წ. ციანიდის საქმის დახურული სასამართლო პროცესების ამსახველი მასალების მედიასაშუალებებში გავრცელების ფაქტებზე 3 ოქტომბერს გამოძიება 374-ე მუხლით დაიწყო.

დეკანოზის კიდევ ერთი ადვოკატი მიხეილ რამიშვილი პროკურატურაში გუშინ იმყოფებოდა. თუმცა მას გამოძიებისთის ჩვენება არ მიუცია და განაცხადა, რომ კითხვებს პასუხს მხოლოდ მოსამართლის თანდასწრებით გასცემს.