(რეზონანსი) პოლიციამ რუსთავში, 12 წლის გოგონას მიმართ ძალადობისა და ცემის ფაქტზე ბრალდებული პირი დააკავა.

შეგახსენებთ, რომ არასრულწლოვანზე ძალადობის ფაქტი რუსთავის XIX მიკრო რაიონში ორი დღის წინ დაფიქსირდა.

არსებული ინფორმაციით, რუსთავში, 12 წლის გოგონას 40 წლამდე ასაკის მამაკაცი ძალადობის განხორციელების მიზნით, თავს დაესხა.

გოგონა სკოლიდან სახლში ბრუნდებოდა, რა დროსაც მას უცნობი მამაკაცი სახლთან თავს დაესხა და სარდაფში ძალით ჩაიყვანა. ყვირილზე მეზობლები გამოვიდნენ, რის შემდეგაც თავდამსხმელმა გაქცევა მოახერხა.

როგორც შსს-ში ამბობენ, საქმე სსკ-ს 126-ე მუხლის პირველი პრიმა ნაწილით არის აღძრული, რაც ცემას ან სხვაგვარ ძალადობას გულისხმობს, რამაც დაზარალებულის ფიზიკური ტკივილი გამოიწვია.