(რეზონანსი) ფინანსურმა პოლიციამ საქართველოს საბაჟო საზღვარზე, საქონლის გადაადგილებასთან დაკავშირებული წესის დარღვევის სამი ფაქტი გამოავლინა და 3 პირი დააკავა.

საბაჟო გამშვები პუნქტ „სადახლო"- ს გავლით, ბრალდებულმა საბაჟო კონტროლისაგან მალულად, სამალავის გამოყენებით, საქართველოს ტერიტორიაზე 871 ერთეული ბრილიანტის თვალი შემოიტანა. ხოლო ორ შემთხვევაში, გამშვებ პუნქტ „სარფის" გავლით, 900 გრამი ოქროს ნაკეთობების შემოტანას ცდილობდნენ.

ამოღებული ოქროს ნაწარმის და ძვირფასი ქვების საერთო საბაჟო ღირებულება 61 171 ლარია.

გამოძიება საქართველოს სისხლის სამართლის კოდექსის 214 - ე მუხლის პირველი ნაწილით მიმდინარეობს, რაც სასჯელის სახით 3 - დან 5 წლამდე ვადით თავისუფლების აღკვეთას ითვალისწინებს.