"ვენეციის კომისიის მთავარი რეკომენდაცია იყო, ხელისუფლებას ამ პროცესში გაეჩინა პარტნიორები და კონსტიტუცია საერთო სახალხო დოკუმენტი გამხდარიყო. რაც უნდა ძლიერი იყოს დღეს ერთი პარტია, თუ ხელების გადაგრეხით მიიღებს კონსტიტუციას, ის ვერ იქნება სიცოცხლისუნარიანი. მას დღეს ექნება ფორმალური სამართლებრივი ლეგიტიმაცია, თუმცა ვერ მიიღებს პოლიტიკურ ლეგიტიმაციას და როგორც კი ეს ხელისუფლება შეიცვლება, ჩვენ კიდევ ერთხელ მოგვიწევს რევიზია იმ კონსტიტუციისა, რომელიც დღეს მივიღეთ", - ასე შეაფასა პოლიტოლოგმა გია ხუხაშვილმა კონსტიტუციის მიღების პროცესი "რეზონანსთან" საუბრისას.