(რეზონანსი) ყირგიზეთის მთავრობის ვიცე-პრემიერი ტემირ ჯუმაკადიროვი ავარიის შედეგად გარდაიცვალა. ინფორმაციას „ინტერპრესნიუსი" ყირგიზეთის პრემიერის ადმინისტრაციის პრესცენტრზე დაყრდნობით ავრცელებს.

ჯუმაკადიროვის სამსახურეობრივი ავტომობილი სატვირთო მანქანას შეეჯახა. ავარიას ვიცე-პრემიერი, მისი თანაშემწე ნურლან ჟამგირჩიევი და მძღოლი ემსხვერპლნენ.

სატვირთო ავტომობილის მძღოლი დაშავდა და საავადმყოფოშია გადაყვანილი.

საგზაო-სატრანსპორტო შემთხვევის ფაქტზე გამოძიება მიმდინარეობს.