(რეზონანსი) ონისე გერგედევამ, რომელსაც საზოგადოება ანტისაოკუპაციო აქტივობით იცნობს, თბილისის ვანო სარაჯიშვილის სახელობის სახელმწიფო კონსერვატორიის შენობაზე აღმართული რუსეთის სახელმწიფო დროშა ჩამოხსნა და დახია. ინფორმაციას „აიპრესი" ავრცელებს.

"დედაქალაქის ცენტრში, სახელმწიფო შენობაზე, ოკუპანტების დროშა, რომ ფრიალებს, ეს არის საქართველოს სირცხვილი და თავის მოჭრა. ეს არის საქართველოს დამონება ოკუპანტისადმი. ჩვენ არ შევეგუებით, ანტისაოკუპაციო მოძრაობა სულ იბრძოლებს", - განაცხადა გერგედავამ.