(რეზონანსი) "ევროპული საქართველოს" ერთ-ერთი ლიდერი სერგო რატიანი საკრებულოს შენობაში საპატრულო პოლიციის წარმომადგენლებმა არ შეუშვეს.

რატიანის განცხადებით, შენობაში არ შეშვების მიზეზები მას ვერ განუმარტეს.

დღეს თბილისის საკრებულოში სხდომა გაიმართება. განსახილველ საკითხთა შორის ერთ-ერთი თემა თაბორის მთის და პუშკინის სკვერის მიმდებარე ტერიტორიების გასხვისება იქნება.

საკრებულოს თავჯდომარის გიორგი ალიბეგაშვილის განცხადებით, დღევანდელ საკრებულოს სხდომას მხოლოდ საკრებულოს წევრები, საკრებულოს თანამშრომლები და მედიის წარმომადგენლები დაესწრებიან.