(რეზონანსი) თბილისის საკრებულოსთან სიტოაცია დაიძაბა. „ნაციონალური მოძრაობის" წევრები საკრებულოს შენობაში შესვლას ცდილობენ, თუმცა საპატრულო პოლიციის წარმომადგენლები მათ ამის უფლებას არ აძლევენ.

"არ გრცხვენიათ? კონსტიტუციას არღვევთ. დეპუტატს დაუბრკოლებელი შესვლის უფლება აქვს",- მიმართა ბოკუჩავამ პოლიციას.

როგორც საკრებულოს თავმჯდომარემ გიორგი ალიბეგაშვილმა განაცხადა, საკრებულოს გადაწყვეტილებით, დღევანდელ სხდომას დაესწრებიან მხოლოდ საკრებულოს წევრები, თანამშრომლები და მედიის წარმომადგენლები.

დღეს თბილისის საკრებულოში სხდომა გაიმართება. განსახილველ საკითხთა შორის ერთ-ერთი თემა თაბორის მთის და პუშკინის სკვერის მიმდებარე ტერიტორიების გასხვისება იქნება.