(რეზონანსი) საგარეჯოში, ავტოსაგზაო შემთხვევა მსხვერპლით დასრულდა.
„მიცუბიშისა" და „ფორდის" მარკის ავტომანქანების შეჯახების შემდეგ, ახალგაზრდა ქალი ადგილზე გარდაიცვალა, ორი მგზავრი კი დაშავდა.
სასწრაფო დახმარების ბრიგადამ დაშავებულები სხეულის სხვადასხვა დაზიანებით საავადმყოფოში გადაიყვანა.
წინასწარი ინფორმაციით, ავარიის მიზეზი გადაჭარბებული სიჩქარე გახდა.
ადგილზე ექსპერტ-კრიმინალისტები მუშაობენ, მობილიზებულია საპატრულო პოლიცია.
გამოძიება სსკ-ს 276-ე მუხლის მეხუთე ნაწილით აღიძრა, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.