(რეზონანსი) გარემოს ეროვნული სააგენტო უახლოესი დღეების ამინდის პროგნოზს ავრცელებს. 15-დან 17 ოქტომბრამდე საქართველოს ტერიტორიაზე ცივი და ნოტიო ჰაერის მასების გავრცელების გამო, მოსალოდნელია ჰაერის ტემპერატურის დაკლება.

სინოპტიკოსების ცნობით, უახლოეს დღეებში წვიმა, ელჭექი, მაღალმთიან რეგიონებში კი თოვლია მოსალოდნელი.ზღვაზე 4-5 ბალიან შტორმსაც ელოდებიან.

გარემოს ეროვნული სააგენტოს განცხადებით, მოსალოდნელმა ძლიერმა ნალექებმა შესაძლებელია ცალკეულ მდინარეებზე წყალმოვარდნები და მეწყრულ-ღვარცოფული პროცესების გააქტიურება გამოიწვიოს.