(რეზონანსი) კალიფორნიის ჩრდილოეთ რეგიონებში მასშტაბურ ტყის ხანძრებს ამ დრომდე ვერ აქრობენ. ბოლო მონაცემებით, სტიქიის შედეგად დაღუპულთა რიცხვი 36-მდე გაიზარდა, 200-ზე მეტ ადამიანს კი ისევ ეძებენ.ამის შესახებ „BBC"-ი წერს.

დამწვარია 6 ათასამდე საცხოვრებელი სახლი. ტყის ხანძრებისგან მიყენებული ზარალი წელს შეერთებული შტატების ისტორიაში ყველაზე მასშტაბურია.ცეცხლმა ამ სეზონზე 3 მილიონ ჰექტარზე მეტი მიწის ფართობი გაანადგურა. 1933 წლის შემდეგ ეს ყველაზე დამანგრეველი ხანძარია, რომელიც აშშ-ს დაატყდა თავს.

მეხანძრეები ხანძრის 22 ძლიერ კერას ებრძვიან. საერთო ჯამში, 700 კვადრატული კილომეტრის ტერიტორია დაიწვა. განადგურებული 3,500-ზე მეტი შენობა. 25 ათასი ადამიანი იძულებული გახდა საცხოვრებელი სახლები დაეტოვებინა.

9 ოქტომბერს გუბერნატორმა კალიფორნიის შტატში ტყის ხანძრის გამო საგანგებო მდგომარეობა გამოაცხადა.