(რეზონანსი) ოკუპირებულ აფხაზეთში სამხედრო სწავლება მიმდინარეობს. რუსეთის სამხრეთის სამხედრო ოლქის სამხედრო მოსამსახურეები წვრთნას ცაბალის პოლიგონზე ატარებენ.

წვრთნების ფარგლებში სამხედროები პირობითი მოწინააღმდეგის ავიაციასა და ჯავშანტექნიკას გაანადგურებენ.

სწავლებებში 500-მდე სამხედრო მოსამსახურე და 100 ერთეული სამხედრო ტექნიკა, მათ შორის თანამედროვე ჯავშანტრანსპორტიორები БТР-82АМ, „დოზორი"-ს ტიპის დაჯავშნული სადაზვერვო მანქანები და „გრად"-ის ტიპის ზალპური ცეცხლის რეაქტიული სისტემები მონაწილეობს.