(რეზონანსი) ვისურვებდი, რომ სახალხო დამცველი ხელისუფლებისთვის ყოველთვის არაკომფორტული იყოს, - ამის შესახებ სახალხო დამცველმა უჩა ნანუაშვილმა განაცხადა.

ნანუაშვილს სახალხო დამცველის პოსტზე უფლებამოსილება 7 დეკემბერს ეწურება.

როგორც მან განაცხადა, მისთვის უცნობია, ვის წარადგენენ სახალხო დამცველის პოსტზე.

ასევე უცნობია, სად გააგრძელებს მუშაობას უჩა ნანუაშვილი.

შეგახსენებთ, რომ „სახალხო დამცველის შესახებ" კანონის მოქმედი ნორმით, ომბუდსმენის თანამდებობაზე ერთი და იმავე პირი შეიძლება ზედიზედ ორჯერ აირჩეს.