(რეზონანსი) ხარაგაულის მუნიციპალიტეტის სოფელ ლაშეში, რამდენიმე დღიანი გადაუღებელი წვიმის შედეგად მდინარე ჩხირიმელა ადიდდა და სოფელ ლაშეში გზის ნაწილი წაიღო.

ტერიტორიაზე ამ დროისთვის საავტომობილო მოძრაობა შეჩერებულია.

სოფლის გზა ცენტრალურ ავტომაგისტრალსა და ხარაგაულის მუნიციპალიტეტს აკავშირებს, რის გამოც რაიონულ ცენტრში ავტომანქანებს გადაადგილება შემოვლითი გზით უწევთ.

ხარაგაულის მუნიციპალიტეტის გამგებლის მოადგილის თემურ ჩხეიძის ინფორმაციით, პრობლემის მოსაგვარებლად შესაბამისი ტექნიკა მობილიზებულია და გამგეობის სპეციალური სამსახურები საგანგებო რეჟიმში მუშაობენ.