(რეზონანსი) "წინასაარჩევნო გარემო კარგია და ამის გამო მოხარულები ვართ. არ ვფიქრობ, რომ რაიმე რეალური შეშფოთების მიზეზი გვქონდეს," - ასეთი შეფასება მისცა წინასაარჩევნო გარემოს, აშშ-ის ელჩმა საქართველოში იან კელიმ.

იან კელის თქმით, პრემიერ-მინისტრის და მთავრობის სურვილია, რომ თავისუფალი და სამართლიანი არჩევნები ჩატარდეს.

„მოგეხსენებათ, ჩვენ გვაქვს ძალიან ახლო თანამშრომლობა და კავშირი არჩევნების საერთაშორისო დამკვირვებლებთან - ეუთო-სთან, NDI-სთან და IRI-სთან. ზოგადად, პრემიერ-მინისტრის და მთავრობის სურვილია, იყოს თავისუფალი და სამართლიანი არჩევნები და ალბათ, ამასთან დაკავშირებით ეჭვის საფუძველი არ არსებობს", - განაცხადა კელიმ.

დღეს მთავრობის სხდომაზე საქართველოს პრემიერ-მინისტრმა, გიორგი კვირიკაშილმა სახელმწიფო უწყებებს ადმინისტრაციული რესურსების გამოუყენებლობისკენ მოუწოდა.

"მინდა მოვუწოდო სახელმწიფო უწყებებს, არ მივცეთ არავის საბაბი, რომ თქვას ერთი სიტყვაც კი სახელმწიფო რესურსის გამოყენებაზე", - განაცხადა კვირიკაშვილმა.

საქართველოში თვითმმართველობის არჩევნები 21 ოქტომბერს გაიმართება.