(რეზონანსი) ბათუმში, გამთენიისას, ახალგაზრდა ქალს მატარებელი დაეჯახა. ინფორმაციას „ბათუმელები" ავრცელებს. შემთხვევა ბარცხანის ტერიტორიაზე, სარკინიგზო ხაზთან მოხდა.

ქალი მრავლობითი დაზიანებებით საავადმყოფოში გადაიყვანეს.

სასწრაფო სამედიცინო დახმარების სამსახურის ინფორმაციით, ქალი გადაყვანისას გონზე იყო.

შსს-ს ცნობით, გამოძიება რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით მიმდინარეობს.