(რეზონანსი) შინაგან საქმეთა სმინისტროს განცხადებით, არჩევნების დღეს საპოლიციო ძალები, წინასწარ შემუშავებული სამოქმედო გეგმის მიხედვით, პრევენციისა და სწრაფი რეაგირების უზრუნველსაყოფად, მთელი საქართველოს მასშტაბით არიან განლაგებულნი.
უწყების პრესსამსახურის თეა პერტაიას ცნობით, პერიოდულად ხორციელდება მათი გეგმიური როტაცია, რათა თითოეულ პოლიციელს არჩევნებში მონაწილეობის შესაძლებლობა ჰქონდეს.
„არჩევნების დღეს საპოლიცო ძალები, წინასწარ შემუშავებული სამოქმედო გეგმის მიხედვით, პრევენციისა და სწრაფი რეაგირების უზრუნველსაყოფად, განლაგებულნი არიან მთელი საქართველოს მასშტაბით. ამასთან, პერიოდულად ხორციელდება მათი გეგმური როტაცია, რათა თითოეულ პოლიციელს არჩევნებში მონაწილეობის შესაძლებლობა ჰქონდეს", - ნათქვამია შსს-ს განცხადებაში.