(რეზონანსი) ცესკოს ინფორმაციით, 17:00 საათის მონაცემებით, ადგილობრივი თვითმმართველობის არჩევნებზე ამომრჩეველთა აქტივობა 36.71 % -ს შეადგენს, რაც იმას ნიშნავს, რომ საკუთარი არჩევანი უკვე 1 262 809 ადამიანმა დააფიქსირა.

ცესკო-ს მონაცემებით, ამომრჩევლის ყველაზე მაღალი აქტივობა 53.4% კვლავ რაჭა-ლეჩხუმში ფიქსირდება.

ყველაზე დაბალი აქტივობა კი ისევ შიდა ქართლშია, სადაც ამომრჩევლის მხოლოდ 31.5%-მა დააფიქსირა თავისი არჩევანი.

რაც შეეხება თბილისს, ცესკო-ს მონაცემებით, დედაქალაქში 17:00 საათზე ამომრჩევლის 34.7%-იანი აქტივობა ფიქსირდება.

2014 წლის თვითმმართველობის არჩევნებზე, 17:00 საათზე ამომრჩევლის აქტივობა 34.64%-ს შეადგენდა.

საქართველოში თვითმმართველობის არჩევნები მიმდინარეობს.