(რეზონანსი) „ერთიანი ნაციონალური მოძრაობის" ოფისში ლევან ბეჟაშვილმა ბრიფინგი გამართა და დარღვევებზე ისაუბრა.

როგორც ბეჟაშვილმა აღნიშნა, მთელი დღის განმავლობაში, სხვადასხვა საარჩევნო უბანზე ფიქსირდებოდა ამომრჩეველზე ზეწოლის ფაქტები, თუმცა ცენტრალური საარჩევნო კომისია რეაგირებას არ ახდენდა.

"ჩვენ მთელი დღის განმავლობაში ამომრჩეველზე ტოტალური ზეწოლის მოწმენი გახლდით. "ქართული ოცნების" და მათთან აფილირებული სადამკვირვებლო ორგანიზაციები მთელი დღის განმავლობაში ამომრჩევლების პირადი ინფორმაციის აღრიცხვას ახდენდნენ. ბუნებრივია, ამ გზით ცდილობდნენ მათზე ზეწოლას და ამაზე ჩვენ არაერთხელ ვისაუბრეთ. ფაქტია, რომ ცესკომ მთელი დღე გაატარა ისე, რომ დანაშაულებრივი გულგრილობით ხელი შეუწყო ამ ტოტალური კონტროლით ზეწოლის განხორციელებას და არ შეიძლება ამას ობიექტური და სამართლიანი არჩევნები ვუწოდოთ", - განაცხადა ბეჟაშვილმა.

საქართელოში თვითმმართველობის არჩევნები მიმდინარეობს.