(რეზონანსი) უცხოური მედია საქართველოში ჩატარებულ თვითმმართველობის არჩევნებსა და თბილისში კახა კალაძის გამარჯვებას ეხმაურება.

„კახა კალაძე თბილისის ახალი მერია", -ასეთი სათაურით აქვეყნებს სტატიას ცნობილი იტალიური გამოცემა „La Repubblica".

„მატჩი, რომელსაც დამატებითი დრო არ დასჭირდა - კახა კალაძემ საქართველოს დედაქალაქის პირველი მოქალაქეობისთვის ითამაშა. ის უკვე ოფიციალურად თბილისის ახალი მერია", - წერს იტალიური გამოცემა.

გარდა ამისა, საქართველოში ჩატარებულ ადგილობრივი თვითმმართველობის არჩევნებზე ფრანგული მედიაც წერს.

„მილანის" ყოფილი ვარსკვლავი კახა კალაძე თბილისის მერად აირჩიეს", -წერს ფრანგული გამოცემა „Liberation".