(რეზონანსი) ფოთის 70-ე საოლქო-სააჩევნო კომისიასთან, ამ წუთებში, ოთხი ოპოზიციური პარტია საპროტესტო აქციას მართავს.

ისინი 31-ე უბნის შედეგების გაბათილებასა და გაუქმებული ბიულეტენების თავიდან დათვლას ითხოვენ.

„საოლქო საარჩევნო კომისიას მოვუწოდებთ, კანონის ფარგლებში იმოქმედოს. ველოდებით შედეგს და იმის მიხედვით ვიმოქმედებთ", - განაცხადა ,,ევროპული საქართველოს" მერობის კანდიდატმა ვახტანგ დარცმელიძემ.

მოთხოვნების დაუკმაყოფილებლობის შემთხვევაში, ოპოზიციური პარტიები პერმანენტული საპროტესტო აქციების მოწყობით იმუქრებიან.