(რეზონანსი) უკრაინის გენერალურმა პროკურორმა იური ლუცენკომ განაცხადა, რომ ოდესის ყოფილი გუბერნატორი მიხეილ სააკაშვილი "ახალი ძალების მოძრაობის"თანამებრძოლეებთან ერთად, ძალადობრივ გადატრიალებას აპირებს.

„მშვიდობიანი მანიფესტაციის გამართვის უფლება არ ნიშნავს ძალისმიერი გადატრიალების მომზადების უფლებას, რომელსაც 150-200 კაცი გეგმავს. მე ამას არ დავუშვებ. უკრაინული სახელმწიფო უნდა იმართებოდეს კონსტიტუციის, კანონისა და ხალხის ნების მიხედვით და არა ავანტიურისტთა ჯგუფის მიერ, რომლებსაც კრემლის გასართობად გადატრიალების განხორციელება სურთ", - განაცხადა ლუცენკომ.