რეზონანსი) უკრაინის სახელმწიფო საიმიგრაციო სამსახურმა საქართელოს ყოფილ პრეზიდენტს, მიხეილ სააკაშვილს დევნილის სტატუსის მინიჭებაზე უარი უთხრა. ამის შესახებ უკრაინის გენერალურმა პროკურორმა იური ლუცენკომ განაცხადა.

„მე მაქვს სიახლე. უკრაინის სახელმწიფო საიმიგრაციო სამსახურმა უარი განუცხადა მიხეილ სააკაშვილს დევნილის სტატუსის მინიჭებაზე. ის ახლა აპატრიდია. არ არსებობს გარემოება, რომელიც მის დეპორტაციას ან ექსტრადირებას შეუძლებელს გახდიდა", - განაცხადა ლუცენკომ.

მისი თქმით, სააკაშვილს აღნიშნულთან დაკავშირებით სასამართლოსთვის ჯერ არ მიუმართავს.

შეგახსენებთ, რომ 11 სექტემბერს მიხეილ სააკაშვილმა თავშესაფარი ითხოვა.