თიანეთის მერის არჩევნების შედეგები ბოლო ორი დღის განმავლობაში საზოგადოების განხილვის საგანი გახდა. 48 საათში ცენტრალურმა საარჩევნო კომისიამ 4-ჯერ შეცვალა შედეგი, საბოლოოდ კი ამ დრომდე გაურკვეველია, ვინ მოიგო თიანეთის ადგილობრივი არჩევნები - "ქართული ოცნების" კანდიდატმა ლელა ქიტესაშვილმა თუ მისმა ყოფილმა თანაგუნდელმა თამაზ მეჭიაურმა. 4-ჯერ შეცვლილი შედეგებით არჩევნებს ხან მეჭიაური იგებს, ხან - ქიტესაშვილი. ბოლო მონაცემებით, ჯერჯერობით ისევ ლელა ქიტესაშვილი იგებს. მეჭიაური დავას სასამართლოში აგრძელებს, არჩევნების გაყალბებაში კი უმრავლესობის დეპუტატ ზაქარია ქუცნაშვილს ადანაშაულებს.