(რეზონანსი) ჯეფ ბეზოსი პლანეტის უმდიდრესი ადამიანი გახდა. Amazon-ის დამფუძნებელი დღეს $10 მილიარდი დოლარით გამდიდრდა, რის შედეგადაც მისმა ქონებამ $90 მილიარდ დოლარს გადააჭარბა.

Amazon-მა დღეს კვარტაული მოგების მაჩვენებელი გამოაქვეყნა,რომელიც ნავარაუდევთან შედარებით ბევრად უფრო მაღალი იყო, რის გამოც საფონდო ბირჟაზე კომპანიის აქციების ღირებულება 13%-ით გაიზარდა.

ბეზოსს Amazon-ის აქციების 17% ეკუთვნის, ამ გაძვირების შედეგად კი ის $10 მილიარდით გამდიდრდა. პლანეტის მეორე უმდიდრესი ადამიანი ბილ გეითსია მისი ქონება $88 მილიარდ დოლარად არის შეფასებული.

შეგახსენებთ,53 წლის ბეზოსი მილიარდერი 1998 წელს გახდა, მან ონლაინშოფინგის გიგანტი Amazon 1994 წელს დააფუძნა.