(რეზონანსი) თურქეთის უსაფრთხოების ძალებმა ისლამურ სახელმწიფოსთან კავშირში ეჭვმიტანილი 60-ზე მეტი პირი დააკავეს. ამის შესახებ ინფორმაციას „იმედი" ადგილობრივი მედიაზე დაყრდნობით წერს.

სპეცოპერაცია ერზრუმისა და ბურსას პროვინციებში ჩატარდა. ადგილობრივი პოლიციის ცნობით, დაკავებულებს შორის 2 აზერბაიჯანის და 28 სირიის მოქალაქეა. 8 ეჭვმიტანილი კი არასრულწოვანია.

დაჯგუფება "ისლამური სახელმწიფოს" მიერ თურქეთში ორგანიზებულ თავდასხმებს და ტერაქტებს ბოლო რამდენიმე წლის განმავლობაში 319-ზე მეტი ადამიანი ემსხვერპლა.