(რეზონანსი)საქართველოს კონსტიტუციის ახალ რედაქციაში მმართველი გუნდი ოთხი პუნქტის ჩასწორებას გეგმავს. მათ შორის, უმრავლესობა გააუქმებს ე.წ. ბონუსების სისტემას, ასევე 2020 წლის საპარლამენტო არჩევნებისთვის ერთჯერადად დაუშვებს საარჩევნო ბლოკების ფორმირებას.

კიდევ 2 ცვლილება კი, ტექნიკური ხასიათის იქნება, კერძოდ, ჩასწორდება რწმენის თვისუფლების შესახებ მუხლი და დაზუსტდება საკონსტიტუციო სასამართლოს არჩევნებთან დაკავშირებული საკითხი.

ოპოზიციას პროცესებში მონაწილეობასთან დაკავშირებით გადაწყვეტილება ჯერ არ მიუღია. „ევროპული საქართველოს" ერთ-ერთი ლიდერი ზურაბ ჭიაბერაშვილი ამბობს, რომ „ქართულმა ოცნებამ" კონსტიტუცია აქცია სათამაშოდ, რომელიც დაშალა და ვეღარ ააწყო.

მიღებიდან ორი კვირის შემდეგ კონსტიტუციაში კვლავ ცვლილებების შეტანას უპრეცედენტოს უწოდებენ „ნაციონალური მოძრაობის" წევრები.