(რეზონანსი) პარლამენტის იურიდიულ საკითხთა კომიტეტის ფორმატში შინაგან საქმეთა მინისტრის, გიორგი მღებრიშვილის მოსმენა იგეგმება.

კომიტეტის თავმჯდომარის, ეკა ბესელიას ინფორმაციით, მოსმენა სავარაუდოდ ნოემბრის ბოლოს გაიმართება.

მისივე თმით, ამ დრომდე, მღებრიშვილთან კონრეტული თემებისა და თარიღის შეთანხმება მიმდინარეობს.

"ჩვენ ახლა ვათანხმებთ დროს და თარიღს. მინისტრის მხრიდან ველოდებით ანგარიშს, ამავე დროს ახალ კონცეფციას და მოსმენას რეფორმაზე, რომელზეც სამინისტრომ იმუშავა. ჩვენ გვაქვს ჩვენი პოზიციები. მინისტრის მოსმენა კომიტეტში შედგება. დასტური გვაქვს. ახლა ვათანხმებთ თარიღს", - განაცხადა ბესელიამ.

ბესელიას ინფორმაციით, მღებრიშვილის პარლამენტში მისვლა მხოლოდ ნუცუბიძეზე მომხდარ შემთხვევას არ უკავშირდება.