(რეზონანსი) უკრაინაში, დონეცკის ოლქში, შეტაკებების შედეგად საქართველოს ერთი მოქალაქე გიორგი სარალიძე დაიღუპა. ამის შესახებ ინფორმაცია „რუსთავი 2" უკრაინაში მებრძოლ, ნიკა კაპანაძეზე დაყრდნობით ავრცელებს.

გავრცელებული ინფორმაციით, დონეცკის აეროპორტის მიმდებარე ტერიტორიაზე საბრძოლო მოქმედებების დროს უკრაინელი სამხედროების ჯგუფს ჩასაფრება მოუწყვეს და სწორედ ამ შეტაკებას ემსხვერპლა სარალიძე.

სარალიძე აფხაზეთისა და სამაჩაბლოს ომების მონაწილე იყო. ის უკრაინის შეიარაღებულ ძალებს პრორუსი სეპარატისტების წინააღმდეგ ბრძოლაში საომარი მოქმედებების დაწყების დღიდან ეხმარებოდა.