(რეზონანსი) აშშ-ის პრეზიდენტმა დონალდ ტრამპმა განაცხადა, რომ ნიუ-იორკში მომხდარი ტერაქტის შემსრულებელი საიფულო საიპოვი სიკვდილით უნდა დაისაჯოს.

ამის შესახებ აშშ-ს პრეზიდენტმა „ტვიტერის" პირად გვერდზე დაწერა.

ორი დღის წინ, ნიუ-იორკში ტერაქტი 29 წლის უზბეკეთის მოქალაქემ საიფულო საიპოვმა განახორციელა. ის მწვანე ბარათის მფლობელი იყო და აშშ-ში ტაქსის მძღოლად მუშაობდა. ნიუ-იორკში, მანჰეტენზე განხორციელებული ტერორისტული აქტის შედეგად რვა ადამიანი დაიღუპა და 12 დაშავდა. თავდამსხმელი მანქანით ჯერ ველოსიპედისტებს, შემდეგ კი სასკოლო ავტობუსს შეეჯახა და სროლა დაიწყო.