(რეზონანსი) საქართველოს ყოფილი პრეზიდენტის მიხეილ სააკაშვილის განცხადებით, იგი მეგის ქარდავას არასდროს შეხვედრია.

„მედიის წყაროები ძალიან არასარწმუნოა. ამ „უახლოეს თანაგუნდელს" მე არასდროს შევხვედრივარ და მისი არსებობის შესახებ მხოლოდ პრესიდან ვიცი", - შესაბამისი განცხადება მიხეილ სააკაშვილმა „ფეისბუქის" საკუთარ გვერდზე გააკეთა.

იგი ამ სიტყვებით გამოეხმაურა ერთ-ერთი უკრაინული მედიასაშუალების მიერ გავრცელებულ ინფორმაციას, რომელიც საქართველოს ყოფილი პრეზიდენტის „უახლოესი თანაგუნდელის" დაკავებაზე წერს.

შეგახსენებთ,, გუშინ, უკრაინელმა სამართალდამცველებმა ძებნილი მეგის ქარდავა საქართველოს პროკურატურის შუამდგომლობის საფუძველზე დააკავეს.