(რეზონანსი) ბათუმის ნავსადგური ნატო-ს ხომალდებს მასპინძლობს. საპორტო ვიზიტით, ნატო-ს მუდმივმოქმედი მეორე ნაღმსაწინააღმდეგო შენაერთის საფლაგმანო ხომალდი REGELE FERDINAND და ნატო-ს საზღვაო შენაერთის თურქეთის დროშის ქვეშ მცურავი ხომალდი შემოვიდა.

დღის განმავლობაში კი, ალიანსის სხვადასხვა წევრი ქვეყნის დროშის ქვეშ მცურავი კიდევ სამი ხომალდი შემოვა.

დელეგაციას ნატო-ს გაერთიანებული საზღვაო ძალების სარდლის მოადგილე, ვიცე-ადმირალი ერვი ბრეჟონი ხელმძღვანელობს.

დღეს ვიცე-ადმირალს შს მინისტრი გიორგი მღებრიშვილი შეხვდება და ერთობლივი პრესკონფერენცია გაიმართება.

ხომალდები საქართველოში 6 ნოემბრამდე დარჩებიან და ქართული მხარის მიერ ორგანიზებულ ერთობლივ წვრთნებში მიიღებენ მონაწილეობას.

ნატო-ს მუდმივმოქმედი მეორე ნაღმსაწინააღმდეგო შენაერთი საქართველოს უკვე მესამედ სტუმრობს.