(რეზონანსი) დონალდ ტრამპის პოპულარობის რეიტინგი, პრეზიდენტობის პირველ ცხრა თვეში, ბოლო 70 წლის განმავლობაში, აშშ-ის პრეზიდენტებს შორის, ყველაზე დაბალია. აღნიშნულს გაზეთ "Washington Post"-ის და ტელეკომპანია "ABC"-ს ერთობლივი გამოკითხვა მეტყველებს.

გამოკითხვის შედეგების თანახმად, აშშ-ს პრეზიდენტის თანამდებობაზე დონალდ ტრამპის მუშაობას მხარს გამოკითხული ამერიკელების 37% უჭერს, ხოლო მის პოლიტიკას რესპონდენტთა 59% არ ეთანხმება.

გამოკითხულთა თითქმის ორი მესამედი ფიქრობს, რომ პრეზიდენტად არჩევის შემდეგ ტრამპს თითქმის არაფერი გაუკეთებია ან ძალიან ცოტა გააკეთა.

გამოკითხვის მონაწილეების ნახევარი მიიჩნევს, რომ ტრამპის დროს აშშ უფრო სუსტი გახდა.

რესპონდენტთა 55% კი მიიჩნევს, რომ დონალდ ტრამპმა წინასაარჩევნო დაპირებები არ შეასრულა.