(რეზონანსი) საქართველოს მესამე პრეზიდენტი, ოდესის ყოფილი გუბერნატორი მიხეილ სააკაშვილი და მისი მხარდამჭერები კვირას კიევში მარშის მოწყობას გეგმავენ. სააკაშვილმა მოქმედების გეგმა რადასთან შეკრებილებს გუშინ საღამოს გააცნო:

"დღეს პირველი მნიშვნელოვანი გამარჯვება მოიპოვა ამ ადგილმა, მაგრამ ეს არის მხოლოდ დასაწყისი. ამათ სცადეს ჩემი შანტაჟი საქართველოში დეპორტაციით და ძალიან ცუდად დაამთავრებენ, იმიტომ რომ არ იციან რომ ჩემი შანტაჟი არის შეუძლებელი. ამიტომ ვნახეთ ხალხი როგორ რეაგირებს და ასე გაგრძელდება. დღევანდელი გამარჯვება იყო მხოლოდ დასაწყისი გამარჯვებისა. მე ძალიან მაგონებს ეს ყველაფერი ვარდების რევოლუციის კლიმატს,"-განაცხადა მიხეილ სააკაშვილმა.