(რეზონანსი) „მეგის ქარდავა ნაცემია და მის სიცოცხლეს საფრთხე ემუქრება", - ამის შესახებ ქარდავას ქართველმა ადვოკატმა მალხაზ ველიჯანაშვილმა უკრაინელი ადვოკატისგან მიღებული ინფორმაციით განაცხადა.

როგორც ველიჯანაშვილმა აღნიშნა, ქარდავა უკრაინის სააპელაციო სასამართლოში გამართულ პროცესზე ვერ გამოცხადდა, რის მიზეზადაც მისმა ადვოკატმა სწორედ ქარდავასთვის მიყენებული ფიზიკური დაზიანებები დაასახელა.

"მეგის ქარდავა პროცესზე ვერ მივიდა და ციხიდან ტექნიკური საშუალებების გამოყენებით ჩაერთო. მას სასამართლოზე ჩართვისას უთქვამს, რომ მის სიცოცხლეს და ჯანმრთელობას საფრთხე ემუქრება", - განაცხადა ველიჯანაშვილმა.