(რეზონანსი) რუსეთის და აშშ-ის პრეზიდენტები 10 ნოემბერს ვიეტნამში შეხვდებიან. ამის შესახებ ТАСС-ი რუსეთის პრეზიდენტის თანაშემწე იური უშაკოვზე დაყრდნობით წერს.

3 ნოემბერს დონალდ ტრამპმა ტელეკომპანია Fox News-სთან ინტერვიუში არ გამორიცხა, რომ აზია-წყნარი ოკეანის ქვეყნებში ტურნეს დროს რუსეთის პრეზიდენტს ვლადიმერ პუტინს შეხვდება. მისი თქმით, პუტინთან შეხვედრა ძალიან მნიშვნელოვანია, რადგან რუსეთს შეუძლია ამერიკას ჩრდილოეთ კორეის და სირიის პრობლემის მოგვარებაში დაეხმაროს. ამასთან, პრეზიდენტის განცხადებით, უკრაინის საკითხიც უნდა განიხილონ.

შეგახსენებთ,აშშ-ის და რუსეთის პრეზიდენტების პირველი შეხვედრა G20-ის სამიტზე, 7 ივლისს გაიმართა.