(რეზონანსი) საქართველოს პრემიერ მინისტრის, გიორგი კვირიკაშვილის განცხადებით, კახი კალაძის მერობა მნიშვნელოვანი წინგადადგმული ნაბიჯი იქნება თბილისისთვის. აღნიშნული ინფორმაცია კვირიკაშვილმა "ექსპო ჯორჯიაში" განაცხადა, სადაც დავით ნარმანიას საქმიანობის ანგარიშის პრეზენტაციას დაესწრო.

პრემიერმა დავით ნარმანიას გაწეული საქმიანობისთვის მადლობა გადაუხადა. მისი თქმით, ნარმანია რჩება გუნდის წევრად და სად განაგრძობს იგი საქმიანობას,ჯერ დადასტურებული არ არის.