(რეზონანსი) საქართველოს მესამე პრეზიდენტის და ოდესის ოლქის ყოფილი გუბერნატორის, მიხეილ სააკაშვილის განცხადებას, რომ მისი შვილი ბორისპოლის აეროპორტში გაუჩინარდა, უკრაინის სახელმწიფო საზღვრის დაცვის სამსახურის ხელმძღვანელის მოადგილე გამოეხმაურა.

ოლეგ სლობოდიანი ამბობს, რომ აეროპორტში თბილისიდან ჩასულ არასრულწლოვანს არც ერთი ახლო ნათესავი ან უფლებამოსილი სხვა პირი არ დახვედრია. სლობოდიანის თქმით, არასრულწლოვანის მამის მისვლის შემდეგ, მესაზღვრემ საზღვრის კვეთის ფაქტი გააფორმა და მგზავრი მამას გადასცა.