(რეზონანსი) თურქეთის პრეზიდენტმა, რეჯეპ ტაიპ ერდოღანმა, რუსეთს და შეერთებულ შტატებს სირიიდან ჯარების გაყვანისკენ მოუწოდა. ამის შესახებ ინფორმაციას სააგენტო "რია ნოვოსტი" ავრცელებს.

"კრიზისი სამხედრო გზით არ მოგვარდება. მაშინ მათ თავიანთი სამხედროები უნდა გაიყვანონ და კრიზისი პოლიტიკური გზით მოგვარდება. მოდით ერთად ვიპოვოთ არჩევანის გზები", - განაცხადა ერდოღანმა.

ეს განცხადება თურქეთის პრეზიდენტმა სოჭში გამგზავრებამდე გააკეთა, სადაც ის რუსეთის პრეზიდენტთან  მოლაპარაკებებს გამართავს.