(რეზონანსი) Microsoft-ის დამაარსებელმა, ბილ გეიტსმა, არიზონას უდაბნოში 101,2 კვ. კმ. მიწის მონაკვეთი 80 მილიონ დოლარად შეიძინა, რათა მასზე მაღალი ტექნოლოგიების ქალაქი ააშენოს, აღნიშნულ ინფორმაციას ტელეარხი KPNX ავრცელებს.

გავრცელებული ინფორმაციით, ქალაქის სახელწოდება იქნება ბელმონტი.

ნავარაუდებია ლას-ვეგასამდე გზის გაყვანა, რამაც დადებითი გავლენა უნდა მოახდინოს ახალი ქალაქის განვითარებაზე.

პროექტის ინვესტორების ვინაობა, ჯერ-ჯერობით უცნობია, როდის დაიწყება ქალაქის მშენებლობა ცნობილი არ არის.