(რეზონანსი) ოკუპირებული სამხრეთ ოსეთის დე ფაქტო პრეზიდენტი ანატოლი ბიბილოვი აცხადებს, რომ ცხინვალი და მოსკოვი „სამხრეთ ოსეთის მოქალაქეებისთვის" რუსეთის მოქალაქეობის მიღების გამარტივებაზე მუშაობენ. აღნიშნულ განცხადებას „რია ნოვოსტი" ავრცელებს.

„ ჩვენს სახელმწიფო უწყებებსა და სამინისტროებში არის რამდენიმე სერიოზული შეთანხმება, რომლებსაც მომავალში მოვაწერთ ხელს. ეს ეხება რუსული მოქალაქეობის გამარტივებული გზით მიღებას, რუსეთის ტერიტორიაზე ჩვენი მოქალაქეების შეუზღუდავი ვადით ყოფნას- განაცხადა ბიბილოვმა.

შეგახსენებთ, გუშინ ე.წ. სამხრეთ ოსეთის „პრეზიდენტი" მოსკოვში ვლადიმერ პუტინს შეხვდა.