(რეზონანსი) რუსეთში, სამგზავრო თვითმფრინავი L-410 ჩამოვარდა, რომელიც ხაბაროვსკიდან ბელკანის მიმართულებით რეისს ასრულებდა. ამის შესახებ ინფორმაციას ხაბაროვსკის ტერიტორიაზე რუსეთის შინაგან საქმეთა სამინისტროს პრესსამსახური ავრცელებს.

„ინცინდენტის დროს 6 ადამიანი დაიღუპა, ერთი მგზავრი ბავშვი იყო" ,-აღნიშნულია განცხადებაში. მომხდარის მიზეზი უცნობია.

შეგახსენებთ, რომ 7 ნოემბერს, An-2 ტიპის თვითმფრინავი, რომელიც ხაბაროვსკის მიმართულებით მიფრინავდა, ჩამოვარდა. შემთხვევის შედეგად პილოტი დაიღუპა. ერთი პირი კი საავადმყოფოში მძიმე მდგომარეობაში გადაიყვანეს.