(რეზონანსი) აშშ-ს კონგრესმა უკრაინისთვის დახმარების სახით 350 მილიონი დოლარის გამოყოფას მხარი დაუჭირა. გამოყოფილი თანხები უკრაინას უსაფრთხოების სფეროს მოხმარდება. ამის შესახებ ინფორმაციას აშშ-ში უკრაინის საელჩო ავრცელებს.

საელჩო აღნიშნავს, რომ კანონპროექტი უკრაინისთვის ლეტალური იარაღის მიწოდებას ითვალისწინებს.

გარდა ამისა, იგეგმება უკრაინის სამედიცინო სპეციალისტების გადამზადება, სახელმწიფოს საჰაერო და საზღვაო ძალების პოტენციალის გაძლიერება.