(რეზონანსი) სერგო რატიანის განცხადებით,საქართველოში კიდევ ერთი პოლიტიკური პატიმარი გაჩნდა - ეს პატიმარი გოგა ონიანია, - ამის შესახებ უმცირესობის დეპუტატმა პარლამენტის პლენარულ სხდომაზე განაცხადა.

რატიანის თქმით, ქვეყანაში პოლიტიკური პატიმრების რაოდენობა იზრდება.

შეგახსენებთ, ადვოკატი გოგა ონიანი სასამართლომ დამნაშავედ სცნო და მას 5-წლიანი პატიმრობა მიუსაჯა. ონიანს ბრალი რამდენიმე მუხლით ჰქონდა წაყენებული, მათ შორის უკანონო დაკავების, სამსახურებრივი უფლებამოსილების გადამეტებისა და მტკიცებულებათა ფალსიფიკაციის ბრალდებით.