(რეზონანსი) საქართველოში დასაქმების უპირატესობა კაცებს ენიჭებათ - ასეთი შედეგი აჩვენა 2014 წლის მოსახლეობის საყოველთაო აღწერის გენდერულ ჭრილში გაანალიზებამ.

„ძალიან ბევრი განათლებული ქალი არის ეკონომიკურად არააქტიური და თუ აქტიურია, დასაქმების შესაძლებლობა არ აქვს, ხოლო თუ დასაქმებულია მას გაცილებით ნაკლები შენოსავალი აქვს ", - აცხადებს ლელა ბაქრაძე, გაეროს მოსახლეობის ფონდის საქართველოს ოფისის ხელმძღვანელი.

ბაქრაძე გარკვეულ გაუმჯობესებაზეც ლაპარაკობს. მისი თქმით, საქართველოში დაბადებულ ყოველ 100 გოგოზე საშუალოდ 109 ბიჭი მოდის, ეს კი წლების წინ არსებულ მდგომარეობაზე გაცილებით უკეთესი მაჩვენებელია.