(რეზონანსი) ეროვნული ვალუტის გაუფასურების გამო მმართველი პარტია განმარტებებს ეროვნული ბანკისგან ითხოვს. დეპუტატმა ლევან კობერიძემ განაცხადა, რომ კობა გვენეტაძე ყველა შეკითხვას პარლამენტში მისვლით უპასუხებს.

„ უკეთესი იქნება, ეროვნული ბანკის პრეზიდენტს მოვუსმინოთ და კომიტეტზე გავმართოთ მსჯელობა", - განაცხადა დეპუტატმა

მმართველი პარტიის ამ მოთხოვნას არ იზიარებენ ოპოზიციაში. სერგო რატიანს მიაჩნია, რომ ლარის გაუფასურებაზე ძირითადი პასუხისმგებლობა მთავრობას ეკისრება და „ქართული ოცნება" ეროვნულ ბანკზე საუბრით რეალური პრობლემიდამ ყურადღების გადატანას ცდილობს.