“სამწუხაროდ, ლარი საგანგაშო სისწრაფით მიექანება დაღუპვისკენ და თუ ხელისუფლება მისი კურსის გამტკიცებისკენ ნაბიჯს არ გადადგამს, ის თვისივე ხელით მოიჭრის იმ ტოტს, რომელზეც ზის”, - აცხადებს პოლიტოლოგი, მეცნიერ-ექსპერტთა საბჭოს თავმჯდომარე იგორ კევსელავა.

მისი ვარაუდით, თუ ეს უახლოეს ხანებში არ დარეგულირდა, საზოგადოებას ექნება სრული უფლება, რომ მთავრობის გადადგომის საკითხი დააყენოს.

სამთავრობო ცვლილებები, სამინისტროების შემცირება, ლარის გაუფასურება, სექსუალური შევიწროვების შესახებ კანონპროექტი - ეს ის საკითხებია რაზეც "რეზონანსი” პოლიტოლოგს ესაუბრა.

იგორ კვესელავა: ევროპის უდიდეს ქვეყნებშიც კი მხოლოდ 9-10 სამინისტრო გახლავთ. როგორც იქნა, ჩვენთანაც მიხვდვდნენ, რომ მსგავსი ოპტიმიზაცია უნდა მომხდარიყო. ეს ადრევე უნდა გაკეთებულიყო.

მეტიც, ვთვლი, რომ ჩვენ ისევ გვჭირდება სამინისტროების შემცირება. 10-11 სამინისტრო სრულიად საკმარის იქნება. თუმცა, მივესალმები, რომ ბოლოს და ბლოს დაიწყეს ეს პროცესი.

“რეზონანსი”: მინისტრები მოიხსნა, თუმცა, როგორც ვნახეთ, ახალი სახეების სიმცირეა და ძირითადად საკადრო გადადგილებები მოხდა. როგორც ფიქრობ, ეს რეალურად რა შედეგის მომტანია?

ი.კ: განხორციელებულ საკადრო ცვლილებებში ბუნებრივია, ყველას ვერ შევეხები, რადგან ეს ჩემს კომპეტენციას სცდება, მაგრამ დიდად მივესალმები ზოგიერთი მათგანის შეცვლას. მაგალითად, განათლების მინისტრის. გასაგებია, რომ ის თავისუფალი მოზაროვნეა, მაგრამ მან საერთოდ არ იცოდა, რა არის განათლების და მეცნიერების სისტემა. სამწუხაროდ, ბატონი ჯეჯელავა ერთობოდა მეზღაპრეობით, ეს იყო მისთვის პრიორიტეტი და არა განსახორციელებელი რეფორმები. ახლა კი განათლებაში მოვიდა ადამიანი, რომელსაც ბოლოს და ბოლოს გავლილი აქვს ეს გზა, თავად გახლავთ მეცნიერის შვილი და კარგად იცის, რა არის განათლების სიტემა. ჩემი აზრით, ეს ერთ-ერთი პროფესიონალი კადრია.

ასევე პრობლემური იყო შსს, სადაც გახარია მოვიდა. მისი მთავარი ფუნქცია უნდა იყოს სისტემის გადახედვა და ამ მიმართულებით ძალიან ბევრი რამ აქვს გასაკეთებელი. 

რაც შეხება სხვა გადაადგილებებს, ეს პრემიერის გადასაწყვეტი იყო და რა საკადრო ცვლილებებიც არ უნდა მოეხდინა, ოპოზიცია მას მაინც გააკრიტიკებდა, რადგან ეს არის მათი მოვალეობა. ჩვენ კი რეალურ შედეგს რამდენიმე თვეში ვნახავთ.

აუცილებლად უნდა ვთქვა ფინანსთა მინისტრზეც. რამდენადაც ვიცნობ მის პიროვნებას, ვფიქრობ, საბანკო სიტემის და ლარის დარეგულირებასთან დაკავშირებით თავის სიტყვას აუცილებლად იტყვის.

“რ”: ლარის დასტაბილურება ახსენეთ, როგრო ფიქრობთ, რა არის მისი ამგვარი გაუფასურების მიზეზი?

ი.კ: სამწუხაროდ, ლარი საგანგაშო სისწრაფით მიექანება დაღუპვისკენ და თუ ხელისუფლება მისი გამტკიცებისკენ ნაბიჯს არ გადადგამს, ის თვისივე ხელით მოიჭრის იმ ტოტს, რომელზეც ზის. უახლოეს ხანებში თუ ეს არ დარეგულირდა, საზოგადოებას ექნება სრული უფლება, რომ დააყენოს მთავრობის გადადგომის საკითხი.

ნებისმიერ ქვეყანაში ეკონომიკა განსაზღვრავს მთავრობის პოლიტიკას და მოიცავს აბსოლუტურად ყველა სფეროს. შესაბამისად, ლართან მიმართებით ასეთი დამოკიდებულება, უაღრესად საშიშია ქვეყნის და საზოგადოებისთვის. ეს არის იმის მომასწავებელი, რომ შესაძლოა ქართულმა საზოგადოებამ ჯოხი აიღოს ხელში. ამას კი, მოგეხსენებათ, მთავრობის გასარეკად აკეთებენ.

ფინანსური ოლიგარქია, რომელიც სამწუხაროდ ჩვენთან არსებობს, ეს იყო ველური კაპიტალიზმისთვის დამახასითებელი. ამჟამად საქართველო ხელში ჩაიგდო საბანკო სექტრმა და ქართულ საზოგადებას ახრჩობენ.

“რ”: ეს არის თუ არა მთავობის პოლიტიკის შედეგი?

ი.კ: რა თქმა უნდა, ხელისუფლების ბრალიც არის, რადგან სწორედ მან უნდა მოახდინოს დარეგულირება. სიტუაცია არის მძიმე და ხელისუფლებას უნდა ჰქონდეს იმის უნარი, რომ ეკონომიკური კრიზისი, რომელსაც ასე ძალიან მივუახლოვდით, მოაგვაროს.

ხანდახან მეჩვენება, რომ ამას ვიღაც განზრახ აკეთებს და ხელისუფების შიგნით არიან ის ძალები, რომლებსაც უნდათ, რომ სოციალური რევოლუცია გამოიწვიონ.Aმის გამო ხალხი ქუჩაში გამოსულიყო, არ მახსოვს, მაგრამ, როგორ ახლა ვატყობ, ლარი ისე სწრაფად მიექანება, რომ უკვე აღარაფერია გამორიცხული. ჩვენ გვესმის მხოლოდ განცხადებები, რომ ეს არის დროებითი მოვლენა, მაგრამ როდემდე?! გავიდა უკვე რამდენიმე თვე და მდგომარეობა უარესობისკენ მიდის. ვფიქრობ, აუცილებელია, რომ ფინანსთა მინისტრმა უახლოეს ხანებში წარმოადგნოს ის პროექტი, რომელიც ქართულ საზოგადოებას დაამშვიდებს.

მე მოვუწოდებ ბიძინა ივანიშვილს, რომლის დიდი დამსახურებაცაა ხელისუფლების შეცვლა, რომ გამოვიდეს და თქვას თავის სიტყვა, თუ რას ფიქრობს ქვეყანში შექმნილ ვითარებაზე.

“რ”: რას ფიქრობთ საკანონმდებლო ინიციატივაზე, რომელიც სექსუალურ შევიწროვებას შეეხება, იმუშავებ თუ არა მსგავსი კანონი?

ი.კ: ეს არის საქართველო, რომელსაც საკუთარი მრავალსაუკუნოვანი ისტორია აქვს, თუმცა, ახლა განვითარებადი ქვეყანაა. რაც მისაღებია განვითარებული ქვეყნისთვის, ჩვენთან ამის პირდაპირ გადმოტანა, არ ივარგებს. ეს უნდა მოხდეს ეტაპობრივად.

სიმართლე გითხრათ, რატომ მოხდა ამ თემის წამოწევა, ვერ ვხვდები. ახლა ისე გამოვა, რომ ვისაც როგორ მოეპრიანება, ამას სათავისოდ ისე გამოიყნებს.

ქვეყანაში ვერცერთი კანონი ვერ იმუშავებს, თუ საზოგადება ამითვის მზად არის არის. ასეთი კანონი სანახევროდ განხორციელდება, რაც ვერაფერს კარგს ვერ მოგვიტნას. 

საზოგადებამ ისიც ვერ გაიგო, რატომ უნდა მივიღოთ ეს კანონპროექტი და რას მოგვიტანს ის. ჩვენ გვჭირდება ის კანონები, რომელიც შედეგს მოგვცემს, თორემ ასეთი კანონპროექტი დარჩება მხოლოდ ხმად მღაღადებლის უდაბნოსა შინა.