"კადრები, რომლებმაც თანამდებობები დაიკავეს, ჩვენი კადრთუხუცესისთვის ახალი არ არის. 2013 წელს ჩვენთან არაერთხელ უსაუბრია, თუ როგორი ნიჭიერი ახალგაზრდებით არის ის გარშემორტყმული და ზუსტად ეს გვარები სახელდებოდა", - აცხადებს პოლიტოლოგი სოსო ცისკარიშვილი "რეზონანსთან" მთავრობაში გამოჩენილ ახალ კადრებზე საუბრისას. მისივე თქმით, სამთავრობო ცვლილების ინიციატორი არც კვირიკაშვილია და უკვე ნაკლებდამაჯერებელია ისიც, რომ იგი ივანიშვილია. ცვლილების იდეა, შესაძლოა, ჩრდილოელი მეზობლისგან მოდიოდეს.