(რეზონანსი) თურქეთის პრეზიდენტმა უარი განაცხადა ჩრდილოატლანტიკური ალიანსისგან ბოდიშის მიღებაზე, რომელიც მას მერე მოიხადეს, რაც ერდოღანის სახელი ნორვეგიაში, NATO-ს სწავლებებისას მტრების სიაში დასახელდა.

"ჩვენ ვიხილეთ ეს უპატივცემულო საქციელი გუშინდელ NATO-ს სწავლებებზე. არის ისეთი შეცდომები, რომლებსაც სულელები კი არა, არამზადები უშვებენ. ეს საკითხი უბრალო ბოდიშის მეშვეობით ვერ დაიხურება", -განაცხადა ერდოღანმა.

თურქეთმა უკან გამოიხმო თავისი სამხედროები, რომლებიც მონაწილეობდნენ მიმდინარე NATO-ს სწავლებებში.